Kalam Dar Shan Sultan-ul-Ashiqeen امیر الکونین مشہور صوفی بزرگ

امیر الکونین مشہور صوفی بزرگ سلطان العارفین حضرت سخی سلطان باھو رحمتہ اللہ علیہ کی تصنیف مبارکہ ہے ۔ یوں تو آپ رحمتہ اللہ علیہ نے اپنی ہر تصنیف میں اسم اللہ ذات کے ذکر و تصور اور مرشد کامل اکمل کی صحبت سے دیدار حق تعالیٰ اور مجلس محمدی صلی اللہ علیہ وآلہ وسلم کے حصول کے متعلق تفصیلاً بیان فرمایا ہے لیکن امیر الکونین خاص طور پر قرب و حضور حق اور معرفت و وصال الہی کے مراتب بیان کرتی ہے۔ اللہ کے قرب و دیدار کی حضوری کے یہ مراتب صرف اس مرشد کامل اکمل کی نظر کرم سے ہی ممکن ہیں جس کی شان امیر الکونین ہو۔

گنج دین سلطان العارفین حضرت سخی سلطان باھو رحمتہ اللہ علیہ کی نایاب تصنیت مبارکہ ہے جس میں آپ رحمتہ اللہ علیہ نے مرشد کامل اکمل کی اہمیت اور اس سے حاصل ہونے والے اسم الله ذات کے فیوض و برکات کو نہایت خوبصورت انداز میں بیان کیا ہے ۔ دین کی حقیقت کو سمجھنے میں یہ کتاب اہم کردار ادا کرتی ہے ۔

نور الہدیٰ کلاں سلطان العارفین حضرت سلطان باھو رحمتہ اللہ علیہ کی دیگر تمام تصانیف میں سب سے زیادہ مشہور و معروف تصنیف ہے جس میں آپ رحمتہ اللہ علیہ نے فقر و معرفت کے ہر پہلو پر روشنی ڈالی ہے اور علم باطنی کے تمام مشکل و دقیق مسائل کو تفصیل کے ساتھ بیان کیا ہے۔ اس کتاب کو آپ رحمتہ اللہ علیہ نے عین نما“ کا خطاب دیتے ہوئے فقر کا نصاب قرار دیا ہے ۔ حضرت سلطان باھو رحمتہ اللہ علیہ اس تصنیف کے متعلق فرماتے ہیں:

اگر کسی کا نفس سرکش ہو اور شیطان کی طرح ہوا میں غرق ہو کر اللہ کا مخالف ہو، کسی بھی طرح کا علاج کرنے سے گناہوں سے باز نہ آتا ہو اور اللہ کی طرف رجوع نہ کرتا ہو، بہت زیادہ غفلت کی وجہ سے اس کا دل مردہ ہو چکا ہو اور شیطان کی قید میں پھنس کر زندہ نہ رہا ہو اور اس کے قلب میں اسم اللہ ذات کا ذکر بھی تاثیر نہ کرتا ہو، وہ غریب ، مظلوم، عاجز، محتاج اور پریشان ہو، دنیاوی روزگار کے غم میں نڈھال ہو کر ہلاک ہو چکا ہو، زیادہ اولاد کی وجہ سے مستحق ہو، اس کے حالات بہت ہی کمزور ہوں ، اس کے پاس کوئی طاقت اور قوت باقی نہ رہی ہو، وہ فقر وفاقہ سے گزر اوقات کرتا ہو تو اسے چاہیے کہ اس کتاب ، جس میں دین اور دنیا کے تمام خزانے موجود ہیں، سے ظاہری اور باطنی خزانوں کو معلوم کرے تا کہ مخلوق اس کی خادم اور وہ ان پر مخدوم بن جائے ۔

یہ تصنیف علم معجزات سے منور اور اسرار الہی کا پُریقین اور با اعتبار اظہار ہے۔ اکثر بزرگوں اور مصنفین کی تصانیف الہامی ہوتی ہیں لیکن اس فقیر کی تصانیف قرب الٰہی اور مجلسِ محمدی صلی اللہ علیہ وآلہ وسلم کی حضوری سے مشرف ہو کر لکھی گئی ہیں۔ اس کتاب کا مطالعہ کم بخت اور بد قسمت کو نیک بخت اور خوش قسمت بنا دیتا ہے۔ جو طالب شب و روز اس کا مطالعہ کرتا ہے وہ اللہ بس ماسوئی اللہ ہوس کے مرتبہ پر پہنچ جاتا ہے۔

Kalam Dar Shan Sultan-ul-Ashiqeen امیر الکونین مشہور صوفی بزرگ